رمضان گلدی

 

شعر زیبایی از استاد کریمی مراغه ای

 

رمضان گلدي جماعت گينه سلمان اولاجاق

دين اسلام اوجالوب خلق مسلمان اولاجاق

 

گله جاق غيرته فاسق اولاجاق اهل تميز

ائتديگي معصيته جمله پشيمان اولاجاق

 

بزنوب خار مغيلان گيره جاق گول دونونا

نخل و سنجد دوزه لوب سرو خرامان اولاجاق

 

ادامه مطلب: رمضان گلدی

نفس اماره

 

دنیا نین دردی بو قلبیمده نه طوفان الییپ

آیریلیق سایه سالان عالمی ویران الییپ

ای جماعت باخین احواله نیه غم چوخالیپ

نیه هر عاشقه قسمت غم هجران الییپ

 

ادامه مطلب: نفس اماره

اورمی دريا سی

((اورمی دريا سی))

اورمونون درياسينا باخديقجا، غم آرتير گئنه

گون بگوندن چوخ قورور، دولمور سويويلان ترسينه

 

يوخ نشاط و شادليغی اولكی تك، لاپ غم ياغير

آز قاليب كوكدن باتا، سو يوخ چكيلميش چوخ آغير

 

بعضی يئرده چوخ چكيلميش سو،اقلا" بيرآغاچ

ايستمير سن غم توتا ا حوا ليوی ، هئچ دورما قاچ

 

خوش ياديمدا آلميشيدی آلتينا، سو هر تايی

چوخ پلاژلاری يولی ، ساحللری هم اورتايی

 

ادامه مطلب: اورمی دريا سی

سارای

 

 

آرپا چایی آشدی داشدی*سئل سارانی آلدی قاشدی

رود آرپــــــــــا طغیان کــــــــــــرد و ســـــــیل سارای را با خود بـــرد

جوت باجی نین گؤزو یاشدی*آپاردی سئللر سارانـــی

چشم های خواهر دوقلویش پر از اشک است  سیل سارای را برد

بیـــــــــــر بویلو بالانی

 یک دختر زیبـــــــــــا را

ادامه مطلب: سارای

شیطان‌نامه - خیر اولا شیطانی گوردوم گئجه

 

 

خلقدن ایلوردی شکایت منه

گیچدوق اوتوردوق ایکیمیز کافه ده

حالتینی ایتدی حکایت منه

سویلدی شاعر سنه وار خواهیشیم

چوخ عرفائیله اولوب گردیشیم

عفو ایله بیر دفعه دوشوبدور ایشیم

 

من یازیقام ایله حمایت منه

آخ نیه خلق ایلوری لعنت منه

آدمی خلق ایتدی خدای کریم

ایلمدیم سجده من اولدوم رجیم

سوز اوزانیب ایندی اولوب بیر سیجیم

 

ادامه مطلب: شیطان‌نامه - خیر اولا شیطانی گوردوم گئجه

چرکین و گوچک

 

وئرمیشم طاقت و آرامیمی ای یار سنه

عاشیقم، عاشیقم ای دیلبر عیار سنه

سووه‌رم بزم اولا خلوت قویاسان من ائلیم

دردیمی، محنتیمی، غصه‌می اظهار سنه

 

گزه‌رم کوچه و دربندی دالونجا سوخارام

پیچاغی قارنینا هر کس ائده آزار سنه

ایستی وقتینده سویونسان سالارام تئز ایچینه

کاسه‌نین بوز وئره‌رم شربت گلنار سنه

 

ادامه مطلب: چرکین و گوچک

قارقا بولبولون موکالیمسی

 

گؤردو بیر بولبولو قفسده اسیر

قارقا بیر گون ائدیردی گلشنی سئیر

بلکه آزاده پر چالوب دولانا

اؤزونو هی وورور اویان بویانا

 

ائشیگین عطرینی قفسدن آلیر

بوشلییوب ایستراحتی چابالیر

گلیر شوره، دل یاراسیندان

باخیر سیملرین آراسیندان

 

ای اولان شاه عشقه بنده عشق

قارقا عرض ائتدی ای پرنده عشق

سنی ارباب ائدوبدو زندانی

ندی تقصیرون ای وفا کانی

 

ادامه مطلب: قارقا بولبولون موکالیمسی

وفاسیز

 

ای وفا سیز دلبرم؛سن سیز جفالر گور میشم

آتش هجرانیدن ؛بس بیر بلالر گور میشم

جانیما اوخلار ویریلار بوگروه اشقیا

رحم سیز بی دین وایمان کافران واغنیا

 

هرگئجه صبح قدر آغلار گالیپلار گوزلریم

کیم سیلرگوزیاشیمی کیم یازارجان سوزلریم

سزلارام دردن کی یوخ مرهم جانیم منم

گوزلریم سوزگون اولوپ ؛بوزلایپ قانم منم

 

صبروطاقت گالمیپ؛ناله وافغان دن

گل گوتارهجرانوی؛ائتمه حیران عالمی

گل بهار آرزو؛ائتمه حیران عالمی

حوانین عشقی تک ویرانه ائتدی آدمی

 

ادامه مطلب: وفاسیز

حلقه اولدوق قاپیسیندا یئنه مئیخانه لرین

 

حلقه اولدوق قاپیسیندا یئنه مئیخانه لرین

بو حالیله یئتیشک وصلینه پئیمانه لرین

بیزخراباتا اوشاق واختی گلیب دؤشمه میشیک

کرپیچ اولدوق دیواریندا بو قدیم خانه لرین

 

ادامه مطلب: حلقه اولدوق قاپیسیندا یئنه مئیخانه لرین

اورمو گؤلونون دیلیندن بیر غزل

 

ایللر بویو حیاتیما قوردون کمین، گونش!

آزقین گونش بلالی گونش ذاتی جین گونش!

 

سن هرنه سوزلادین او قدر من دایازلادیم

آی ییرتیجی باخیش لاری مندن درین گونش

 

ایللر اولار کی آخمادی بیر چای بو دوزلاغا

مندن آلان بولود لاری بس نیله دین گونش؟

 

اولما بوراخدین اونلاری یئللر قاچیرتد یلار

یا آزدیریب، آلاخلارا وئردین کبین،گونش!

 

ادامه مطلب: اورمو گؤلونون دیلیندن بیر غزل

هرزه سؤز سؤیله ینه یاخشی جواب سوسماقدیر

 

او آجی سئوزلره صبرائیله یرک دؤزدوم من

چون کمال اهلی اولان ناکام اولور سئزدیم من

هرزه سؤز سؤیله ینه یاخشی جواب سوسماقدیر

سوساراق های قوپاران هرزه دیلی اؤزدوم من

کاما چاتماق دیله یرسن ائلی چاتدیر کامینا

بونو گؤردوم هارا گئتدیم هارانی گزدیم من

اودیله سن مومو بیر یئرده نئجه ساخلایاسان؟

آتشیمله پولادی موم کیمی بیل ازدیم من

اونودوبلار سنی صائب یادا سالماز کیمسه

دردیمی لعلیله داغ سینه سینه یازدیم من

صائب تبریزی

اورمو گؤلو از امید الهامی علمداری

 

اورمو گولی ایللر بویی آغلادی

آغلاییب آخیر اوره گین داغلادی

ایندیسه هیجرینده یانان دالغادی

اورمو گولی گوز یاشیوا نه گلدی؟

بوجور یاشدا گور باشیوا نه گلدی !

 

اورمو گولی داده یئتن یوخدی یوخ

غم سوزونه قولاخ وئره ن یوخدی یوخ

آغلار گوزون یاشین سیله ن یوخدی یوخ

چه ن چکیلیب گوز قاشیوا نه گلدی !

بوجور یاشدا گور باشیوا نه گلدی !

 

ادامه مطلب: اورمو گؤلو از امید الهامی علمداری

پركنده تويوخ

 

اوچما چوخ سرعتيلن سن گويه پركنده تويوخ       گل قوناخدان ايله مه سن مني شرمنده تويوخ

بير زمان باش قولاقون بش قيرانا دگمزيدي           يري وار دور ووراسان ملته پوزخنده تويوخ

بير زمان قول قيچيوا پيشيك باخمازيدي             ايِندي قشلارون اولوپ سوپّه برازنده تويوخ

خوروزون بختي ياتيپ تويوخ آدينان ساتولور       بو ايشه كيف چكيب فخر ايلي سن سنده تويوخ

 

كتدي لر شهره گلنده الينه سوغاتيدون               ايِندي سوغات آپارالار سني ده كنده تويوخ

يونولان بودلاريوي گورجگين آغزيم سولانير          باخيرام قيمتيوه ديليم گدير بنده تويوخ

آق بودون ، اَتدي دوشون چوخ چكرم حسرتيني   آرزوم واردو توتوپ سلكه ليم منده تويوخ

وارلي حرص ايله چكر ديشلرينه دوشلريوي          قيشلارون يوخلولارا دوشدي برازنده تويوخ

 

ادامه مطلب: پركنده تويوخ

سنه قربان

 

گجه گوردوم قورولوب مجلس اعيان سنه قربان

نجه مجلس ديه سن روضه ي رضوان سنه قربان

بير طرفده اوتوروب مفته يين لر هاموسي

بير طرفده سالنيب سفره ي الوان سنه قربان

 

بير اوجا صوتيله گوردوم كه چاووش سسلنيري

مكه دن گلده جماعت حاجي بهمان سنه قربان

من ده چيخديم كوچه يه تا كي گورم وار نه خبر

گوردوم اطرافه آليب قيز گلين اوغلان سنه قربان

ادامه مطلب: سنه قربان

انتظار

 

انتظار اهله دیور دنیا گلستان اولا جا خ

اسه جاخ باد صبا عازم بستان اولا جاخ

شورلن شدت لن قاینیه جاخ حق بولاغی

باغ وبسشتان گل اچوپ دامنه الوان اولا جاخ

 

گتریب مژ ده صبا یوسف دوران گله جاخ

سور وساطیله گایب وارد تهران اولا جاخ

سالاجاخ زلزله بو شهره بوتون ترپده جاخ

یخلیب کاخ ستم خاکینه یکسان اولاجاخ

 

ادامه مطلب: انتظار