اورمی دريا سی

((اورمی دريا سی))

اورمونون درياسينا باخديقجا، غم آرتير گئنه

گون بگوندن چوخ قورور، دولمور سويويلان ترسينه

 

يوخ نشاط و شادليغی اولكی تك، لاپ غم ياغير

آز قاليب كوكدن باتا، سو يوخ چكيلميش چوخ آغير

 

بعضی يئرده چوخ چكيلميش سو،اقلا" بيرآغاچ

ايستمير سن غم توتا ا حوا ليوی ، هئچ دورما قاچ

 

خوش ياديمدا آلميشيدی آلتينا، سو هر تايی

چوخ پلاژلاری يولی ، ساحللری هم اورتايی

 

يای گلينجه ئوزمغين شوری توتاردی، دريانی

گل گئد يله قيل وقا ل ، آ لميشدی كلا"ميدا نی

 

بير طرفدن با شلاميشدی، بعضی لرچادرقورا

بير طرفدن ايستميردی ،چوخ شولوخ يئرده دورا

 

آختاريردی بعضی لر، بير دنج يئراوتراق ائد ه

خانواده چيم مغه ، دريا يه چوخ راحت گئد ه

 

شورسودا چيم مق خوشويدی،لذتين نن دويماسان

اينديكی درياقورور، او شور وحالی بولماسان

 

چوخ جوانلار باهم اولموشدی، گئدردی دريايا

ماشين اوسته يللنن تويوب ،چيخاردی اورتایا

 

تك سواری لردگيل،بعضا"وانت لرده گئديپ

باری ماشينلاردا بعضا"،اوسته چادر بركيديپ

 

كوچه ده همسايه لر، باهم مينيردی ماشينا

بير فقط همسايه لر يوخ ، بلكه دوست و آشينا

 

دريايا چاتماقدا بلكم بيرساها ت، يابلكه چوخ

وقت توتاردی تا چاتينجا،آيری بير تفريحده يوخ

 

هركس ايستيردی ماتاحين،ساتسين آنجاق خوش گئچه

جك دئئن كيم طوی چالان كيم،هم اوخوردی بير نئچه

 

مفتيه شادليق بوروردی،ماشينی اندازه سيز

بعضی لر دنگ اولسا حتی، اگلشيردی چاره سيز

 

مهربا نليق لا محبت ، دولدوراردی اورتانی

بير بعلن خوشلوق خلاصه ، شارژ ائديردی انسانی

 

دريايا باخديق جا هر تايدا، جماعت ئوزمده

بعضی لر سا حل قيرا غی ندا ، چيخيل لا رگزمد ه

 

سانكی دريا ميوه سی،انساندی هريئرده دولوب

لاكن ايندی يوخدی انسان، دريا رنگی لاپ سولوب

 

بيرآغاج يول گئدسن آنجاق، تازه چاتاتدين سن سويا

بير قدر ده سو ايچينده ، گئدگينن چاتسين بويا

 

باشلا تئزتئز ئوزمگه ، بلكم سويا آزچوخ دويان

چكمه ميش رنج ومشقت ، لذتين آختار ميا ن

 

بو وضعيله قالسا هئچ،بيرذره سويوخدور گئنه

دووزتوتارهرسمتی كم كم ،يوخ ياشيل ليق گورسنه

 

وای اگر يئل گلسه دووزلار، يئرلريندن اوينويا

چئوره سين دريا قوروتموش، بير آغاجدا قويمويا

 

اورمونون اطرافی كه ، بير بيله چوخ سرسبزيدی

اولماسا بير چاره ، هر يئرقوپ قوری پيس درديدی

 

يوخسا گويده دووز اوچا ، هر يئركويره دونملی

هر ئورك دريايه خاطير چيرپينير ، خوش بيلملی

 

نه آغاج نه اوت علف، نه گل نه گلزار و نه باغ

دووز چاتا اطرافينا، اوت توتدی ياندی سانما ساغ

 

بيرزامان فيكره دوشوبلر، استانين مسئول لاری

قويماسين لاردريا اولسون،يا پوزولسون پرگاری

 

قوردولارچوخ چوخ سمينار، مشكلی حل ائتمغه

سويله سين هر كيم ندور چاره ، دواسين بيلمغه

 

بعضی لرسد وورماغی ، عنوان ائديپلرحل اولا

بعضی ياغمير سويلی يوللر،ياغسا انشاا... دولا

 

بعضی سويلور چاه عميقلر، مشكلی ايجاد ائديپ

بسكی سو يئردن چكيپلر، يوخ رمق الدن گئديپ

 

چوخلاری سويلور هاوا،چون ايستيدی ايليربخار

هم سو يوخدی،هم بخاراولماقدا لاپ باشلير فشار

 

گاه ديگيللراورتادا ، يول اقليمی برهم ووروب

داش و توپراق توكدولر، سو سفرالارين دولدوروب

 

بلكه هرعلت كه سويلوللر،دوغوردی بيلميريق

بس ندن بير چاره تا پما خدا ، شتا بان گئتميريق

 

دريا ساز اولسا ،بوتون اطرافيدا سا ز ساخلييار

چون جماعت گلسه چيم سه ، اقتصاد خوش اوينيا ر

 

خشله سه هركس اگر، اون مين تومن گورنم نولار

بير بعلن كی وار قوناق،اصنافلارين دخلی دولار

 

بيرزامان آرتم نيا توتماق،رواج اولموشدی چوخ

اينديكه سو يوخدی درياده،اودا قورتولدی يوخ

 

اورمونی هر يئرده معروف ايليين ، درياسيدی

چوخ تا سفله بوگون ، دريانين اولمق ياسيدی

 

وارسونوچ دورد كيلومتر،ورساق تونل زابدان اگر

در يا سوئيلن دولار ، يوخ هئچ جور اولمقدن اثر

 

بيلميرم بو ايشلره ، تكنيكي ميز وار گورمغه

انشا ا...واردير گورق، تك يوخكي آرزو ائتمغه

 

هر نجور اولسا خلاصه ، تئزليغی لن اولمالی

چوخ چاليشماق شرطيدی،دريا سويويلان دولمالی

 

يوخسا هارت وپورتولا، تئزتئز سمينار قورماميز

درده درمان ايلمز،چوخ ياخجيدی ديش دورماميز

 

وار مثل يئر واردی بيرايش،مين ايشه غالب گلر

كيم اولا اهل عمل ، باشلار ايشه سون سس لنر

 

سوز ديدين ايش گورمدين،عيناجاناجان وئرمدين

پس نه لازيم بير بعلن داد و هاوار،هئچ بيلمدين ؟

 

هاميدان ياخجی گل ای مجتب، دوعاائت ياغماغا

ايت توكل الله ها ، چوخ مشكلا تين آشماغا

 شاعر مهندس بالوی

ارسال از  داود  -  مهر 1390