باغدا گولوم بایاتیلاره

 
 
باغدا  گولوم    ساریدی
گئچیب عمروم یاریدی
گئنیش   دنیـا ازلـدن
من  یـازیـقـا  داریدی

باغدا  گولوم  گـو زلدی
آنا  دیلـیـم     گوزلدی
گَل  قایـداق    وطـنـه
دؤقما  ایـلیـم گوزلدی

عاشقام  گوزل   گـو له
گوزلدی،  گوزل  گوله
بلـبـلم    حـسرتدیـم
چاتمادیـم، گوزل گوله

آنلییان   باشا     قـربان
گؤزده کی  یاشا   قربان
پیس یؤلداش یامان اؤلار
یاخشـی یؤلداشا   قربان

باشیمدا   تاجیم   منـیـم
گوزلدی   باجیم  منـیـم
اؤ قدر  شیـریـندی  کی
بیلینمور  آجیـم   منـیم

هر گَلن  بـاجی   اؤلمـاز
باشیمین   تاجی   اؤلمـاز
باجیلار  شیرین    اؤلسا
آغیــزلار آجی    اؤلماز

من  بلبولم  باجیم  گُول
باشیمدا کی تاجیم گُول
آغلاماقون    گؤرمئیـوم
عُمور  بؤیی  باجیم گُول

یاتمامیشام    اؤیــاقـام
اؤز  ائلیمه     دایـا قـام
کئشیگینده   دورموشام
عُمور بؤیی     سایـاقـام

آتمامیــشـام  ائلیـمـی
گوزل  آنــا  دیــلیمی
وطنده  اگیلـمـزدیــم
غـربـت  اگدی بئلیمی

بئش اؤن گئچیب یاشیمدان
عقلیم  چاشیب    باشیمدان
عاقیل    اؤلسون    قانارسان
گؤزدن  آخـان   یاشیمدان

نه  گوزلیدی  قارا   تئـــل
داراق   گؤتـور دارا تئــل
بو دنیـا  دار   قـفســـدی
چکمه  منـــی دارا  تئـل

باغلی  یؤللار    آچـارام
وطن  دئیوب   قـاچارام
داریخما  دلـی کؤنلـوم
قانات  چالیب  اوچارام

دنیـانیـن  صفـاسی یؤخ
هئچ  کیمه  وفاسی  یؤخ
بو حیات  غمدی  کَـدر
دَرمانی  دواسی     یؤخ

فلـک  منـی  آغــلادیــر
شیش قیزدیریب داغلادیر
یـارامـا  ملحـم  قؤیـمور
دوز  سپدیریب  باغلادیر

قار  یـاقیبدیر  بـا شیما
قیرو  دوشوب   قاشیما
قؤجالیق یؤلدان چاتوب
زهَـر  قاتـوب    آشیمـا

یؤل اوسته داشون اؤلام
گوزونده  یاشون اؤلام
غم  یئمه  دلی  کؤنلوم
اؤزوم  یؤلداشون اؤلام

باغچادا  گوله   قربان
گوله  بلبوله     قربان
آنا  دیـلی  شیریندی
اؤ شیرین  دیله قربان

اولدوزومسان آیمسان
گونوم  هفتم  آیمسان
بئله گوزل  هاردا  وار
تانری  وئرَن پایمسان

کامانین  یایی   گوزله
هفتنین   آیی    گوزله
غم  یئمه  دلی   کؤنلوم
قیش گئچریاییی گوزله

بلبولی  خــار   اینجیدَر
عاشقی یــار    اینجیدَر
گوناهسیز دارا   چَکمه
رحم  ائله  دار اینجیدَر

فلگیـن  قـؤلـو  اوزون
ساغیلان  سؤلو  اوزون
وصالا  چـاتمادیم من
هجرانین  یؤلو  اوزون

باشیندا  شالی   گوزل
آق  ئوزده خالی گوزل
باغچادا  گوله   بـنزِیر
دؤداخدا  بالی    گوزل

دوز  یؤلوندان   آزانلار
نادان اینسان آز، آنلار
چیخا بیلمَز   قویودان
خَلقه  قویو    قازانلار

دوز یؤلدا  آزان  اؤلماز
قازانچا  قازان     اؤلماز
یاخشی  آد  قازانگیلان
قبرووی  قازان    اؤلماز

عاشق سازسیز اؤلماسین
گوزل  نازسیز  اؤلماسین
تاریدان  آرزوم    بودور
قیشوز  یازسیز اؤلماسین

قیشدان   سؤنرار  یاز  گلر
چایا      اُردک    غاز  گلر
گـولـر  آچـار  چـمـنـده
بـلـبـلـه  آواز        گـلـر

قیشدان  سؤنرا  یازیم  وار
بلبل تک       آوازیم    وار
جاوانـلاریـن   تـؤیــونـدا
عاشقیم  وار سـازیم     وار

بــلبـله  یـاز  ایـستــَرم
قیش عُمرون آز ایـستـرم
گُلستاندا  بلبلدن   گوزل
گوزل  آواز      ایـستـرم

دهقانام  گولنیم    یؤخ
دردیمی  بیلنیم    یؤخ
آغلارام گئجه گوندوز
گؤزیاشیم سیلنیم یؤخ