چال تاري قوي تار آغلاسين

يسته ميرم يار آغلاسين

چال تاري قوي تار آغلاسين،

گول اويناسين خار آغلاسين

بوغاز گولسون دارآغلاسين،

قوي يئره غم پياله سين

سيل گوزونون شلاله سين،

آل گونشين حواله سين

شاخ قارا قوي قار آغلاسين،

يارندن آغلاسين گرك؟

بويون بوكولسون آي فلك،

دويونجا قويمادين گولك

سيخ ناري قوي نار آغلاسين،

خزان يئلي اسن زامان

شاختا آمان كسن زامان،

يارياريلان كوسن زامان

كيمسه كيميم وار آغلاسين،

صبحه تيكيلدي گوزلريم

داغلاري آشدي سوزلريم،

گيزلين الوودي كوزلريم

ني اولدو ني زار آغلاسين،

ساقي گئتير قدح لرين

سرخوش اولاق درين درين،

سئوگي توتا كينين يئرين

كين اوزو زار زار آغلاسين…

اوستاد شهریار.

 83